31.07.2011., Kategorija: Ravna gora

Regule za lepo ponašati se

Regule za lepo ponašati se

  1. Hodeč, z rukami se ne dopušča lamatati, niti sedeč z nogami zvoniti.
  2. Pri stolu ni lepo s persti bubnjati, zubmi skripati ili zevajuć kakti vuk zavijati, a  niti kak prostak s celim se telom rastezati.
  3. Ak se hoće kašljati ili kehnuti, pošteno je gobec na stran obernuti i z ropcem ga pokriti.
  4. Ak negdo hoće hračkati ili se seknuti naj se z ropcem pokrije, na stran oberne i dok se sekne naj ne tuli kak vol.
  5. Pri stolu ruke i zubi trebaju biti čisti, a ak je kaj od jela med zubmi ostalo, gerdo je videti če se to z nožem, vilicom, a još menše z persti vun trebi.
  6. Vu društvu nokte obrezivati, ali pak ogrizavati ni lepo videti, a hudo je i odurno po nosu z persti dupsti i po njemu črve iskati.
  7. Če se z nekim spominaš, ni lepo pajdašu pred nosom mahati, natreskavat ga z laktom vu rebra drukati i za ancug ga natezati.
  8. Gusto krat i hudo na glas smejati se ni lepo, a ni spametno, a još manje smejuć se drugom svoje ščerbe kazati.
  9. Ak pri stolu nešći spelava norije na lucki račun, vsaku šalu treba prijeti na svoj račun.
  10. Pri stolu takaj ni lepo povedati odurni vic, a još menše je spametno delati komedije na domaću političku temu, kaj ti se lehke radi toga more dojti vu rešt.
  11. Pri stolu se hlačnjek ne popravla, a niti se kapči šlic. Takaj se niti gaće za dretu (svitnjak) ne natežaju, a isto tak se ne čoha po jajci i drugi meštriji bez hude sile.
  12. Pri stolu se ne loviju buhe, vuši ili kaj takega drugega puzećega gada i smrada. Če se kaj takvega na drugome vidi nego kak se najtiše more z ancuga ili z las se zeme, med persti zdrobi i da nišće drugi to ne čuti pod stol hiti.
  13. Ak se na jelo dugo čeka, ni lepo zubmi skripati i pridivati.
  14. Če je juha kipuća, ni lepo vleči vu se i srkati kak da se čuje struganje kravskega vagira ili kotača na zdencu.
  15. Ak se vu posudi najde kakav smrad ili bilo kaj odurnoga, to se z prsti zvadi po skrivečki. Če se na jeziku najde, pljuje se van, a gubec se pokrije i na stran obrne.
  16. Če je negdo tak lakoten da vu čubu meče kipuće jelo, ni lepo v ruku ili susedu na ancug, nego treba na pod pod stol plunuti.
  17. Smrdeče stumfe ili obujke na nogah vu fino društvo se ne nosiju. Takaj se pezdenje dopušča samo med puno ljudi, tak da se nemre čuti, ar se skrije vu hižnom domaćem smradu.
  18. Pri stolu je gerdo videti ak se kosti po pesjem oglabaju ili hrustaju.
  19. Isto tak je gerdo videti i čuti ak negdo pri jelu kak prasica ze čubami cmokče.
  20. Tuđu žensku ni lepo ni pristojno vu društvu štipati, pri tancu stiskati, a tvrdim stvarima žuglati i na zlo snubiti. Isto tak se nesme tuđu babu pod stolom kolenima smicati ili joj se oko gač z persti motati.

NIHIL OBSTAT
fecit Canonicus Marcus
De Varazdin
AD 1883

Pohod Cvjetne staze Ravne gore – U potrazi za mirisavim kukurijekom – 06.01.2023.

Planinarsko društvo Ravna gora organizira izlet na Ravnu goru u petak 6.1.2023. CVJETNE STAZE RAVNE GORE “U potrazi za mirisavim kukurijekom” Trasa pohoda: Trakošćan – Zvonarova staza – kapela Sv. tri kralja – Filićev dom

04.01.2023.

Pohod Cvjetne staze Ravne gore – U potrazi za mirisavim kukurijekom – 06.01.2022.

Planinarsko društvo Ravna gora organizira u četvrtak 6.1.2022. pohod CVJETNE STAZE RAVNE GORE “U potrazi za mirisavim kukurijekom” Trasa pohoda: Trakošćan – Zvonarova staza – kapela Sv. tri kralja – Filićev dom

27.12.2021.

Otvorene prijave za alpinističku školu

Alpinistička škola započinje s radom 05.04.2021. godine a prijaviti se možete putem ove poveznice.

15.03.2021.